Publicacións

Mostrando publicacións desta data: Febreiro, 2019

Próxima saída: 02 de marzo. Pateada: Sistelo - Furado - Alvite II. (Flor de Sistelo 1/4) Saída: nº 181

Imaxe
Data: 02 de marzo.  Pateada: Sistelo - Furado - Alvite II.   (Flor de Sistelo 1/4) Saída:  nº 181 Fixémola en xaneiro do 17 con lixeiras variantes. Repetimos, desta vez caracterizados porque é antroido.  A ruta é unha verdadeira delicatessen, pero, ollo!!, solo para xente á que lle gusta andar. Absterse domingueiros e paseantes. Lugar e hora de saída: Casa Gallardo. Alto de Puxeiros, Concello de Mos. Ás 9:30 horas. Xuntámonos en Puxeiros, os que queiran, para optimizar o número de coches. Quen prefira, pode aparecer no lugar da saída que se publicará na Taberna Nova, coma sempre. Cadaquén debe tomar nota da folla de ruta para chegar ao lugar de saída. NON FACEMOS CARAVANAS. Tipo de percorrido:   Circular Dificultade: Media. Duración aproximada:  7/8 horas RCE De interese: Camiños lousados, moitos. Sistelo, Padrão, Porto Covo. Brandas do Furado, Crastibô e outras. Paisaxes, pontellas, cardeñas… Comentarios e organización: Hai baño. Na ponte

Fotos e vídeo da Saída Fervenzas de San Paio e Santa Leocadia, Mazaricos

Imaxe
Suceso inenarrable: 24 nov@s.  O malo, e o surrealista, é cando hai unha camiñada de Calcorreiros e a maior parte dos participantes non o saben. Se sobrevivimos a isto é que somos indestrutíbeis.  Inverno en estado puro. Auga por tódolos lados: por riba, por baixo, pola esquerda, pola dereita... Fallo no sistema ABS dalgúns con sustos incluídos por mor da folla caída e a lama nos carreiros.  Matrícula de honra para o construtor das escaleiras feitas ponte.  Só unha pequena delegación quixo ir mira-las fervenzas de Santa Leocadia pola tarde. Guías: O incansable Luís A. Touriño Lado, Omar Pena e Manuel Figueira Lorenzo (ausente). Co-guía: “papá” Ramón de Cuntis. As fotos son de Ramoncho   e e ste precioso vídeo é de   Mila . Moitísimas grazas!
Aviso: Calcorreir@s non é máis que un grupo de amigos unidos pola afección aos camiños. Non é unha asociación. Non hai ningún seguro e cadaquén asume a súa propia responsabilidade sobre a súa seguridade.
Procúrase informar sobre as dificultades das rutas pero estas sempre están expostas a imponderábeis. Por iso recomendamos que aqueles que participen nas actividades que propoñemos se federe ou dispoña dalgún seguro.