Próxima saída: 23 de marzo Sistelo – Estrica – Arcos II. (Flor de Sistelo 4/4)

Data: 23 de marzo
Pateada: Sistelo – Estrica – Arcos II. (Flor de Sistelo 4/4)
Saída: nº 184
Fixémola no aniversario calcorreiro do 17. Rematamos este invento da Flor de Sistelo cunha pateada máis relaxada.
Iremos a Sistelo pero non vai ser unha pateada de montaña senón de río. Discorrerá pola beira do Vez dende Sistelo ata Arcos. Con sombra e pasarelas bonitas.
Iso si, como a cabra tira ao monte antes faremos unha subida á Estrica.

Lugar e hora de saída: Casa Gallardo. Alto de Puxeiros. Ás 9:30 h.
  
Xuntámonos en Puxeiros, os que queiran, para optimizar o número de coches. Quen prefira, pode aparecer no lugar da saída que se publicará na Taberna Nova, coma sempre.

Punto de encontro: Ás 10:30 h. en Sistelo


Tipo de percorrido: Linear

Dificultade: 
Baixa a media baixa. Coa excepción da subida á Estrica, que é xusto ao comezo da ruta e tampouco ten nada de particular, non hai dificultade ningunha. Atención aos pés que son moitos quilómetros de terreo plano e iso haino que xerir ben tamén.

Duración aproximada: 7/8 horas RCE

De interese:
Paisaxes, río Vez, bosque de galería, muíños, pontes e pontellas... Sistelo, Miradouro da Estrica, Arcos de Valdevez.

Comentarios e organización:
Baños os que se queiran.
En canto ás cañas hai a posibilidade de desviarse un pouco da ruta para tomalas e outra posibilidade é un bar que non é seguro que estea aberto cando nós pasemos. Como tampouco sabemos que poderemos cruzar o río polas poldras que hai para chegar ao bar. En calquera caso ao final poderemos tomalas.
Atención!!! Ollo ao piollo!! A ruta é linear. Por tanto ao chegarmos aos Arcos xuntarémonos en grupos de catro e pillaremos taxis para volver a Sistelo.
Coma sempre tamén, para calquera cousa, tedes á vosa disposición A Taberna.


Aviso: Calcorreir@s non é máis que un grupo de amigos unidos pola afección aos camiños. Non é unha asociación. Non hai ningún seguro e cadaquén asume a súa propia responsabilidade sobre a súa seguridade.
Procúrase informar sobre as dificultades das rutas pero estas sempre están expostas a imponderábeis. Por iso recomendamos que aqueles que participen nas actividades que propoñemos se federe ou dispoña dalgún seguro.