Primeira visita á comarca sanabresa. Entramos pola Serra de Porto e Barjacoba visitando un “atrapafieras”. Gustounos a xente e a serra. Garrafón en Lubián. Fomos mirar qué lle sacabamos, mais á serra sanabresa non lle sacas nada, tíracho ela a ti. Sanabria ten un monstro no fondo do lago que deixou marcas como as do xabarín, mais estas son de dor e inxustiza. Nós fixemos coma eles, tirar para adiante, cruza-los ríos, andar polos prados, por debaixo das xestas e por enriba dos montes ata dar co máis alto: Trevinca, onde un calco se reencarnou en garrapata nos últimos metros. Clases maxistrais de enoloxía. Sospeitoso movemento de pedras. Intercambio de libros en Murias. Animado concurso fotográfico. Tronco en Ribadelago reconvertido en curioso nivel. Fotos de Padín , Sagra  e vídeo de Manuel  Grazas!!

Data: 17 de maio de 2019 Pateada: Bueu – capela Santos Reis – río Bispo – Hermelo – Bueu. Saída nº: 186 Nove anos xa facendo máis grande se callar o día das nosas letras, as Letras Galegas. Xa sabedes que é un día especial e que o celebramos lendo comunitariamente. Tamén se pode cantar, xogar, facer teatro ou participar do xeito que se vos ocorra. O que é obrigatorio é que tódalas persoas asistentes fagan algunha actividade en lingua galega. Lugar e hora de saída: Casa Gallardo. Alto de Puxeiros. Ás 9:30 h. Xuntámonos en Puxeiros, os que queiran, para optimizar o número de coches. Quen prefira, pode aparecer no lugar da saída que se publicará na Taberna Nova, coma sempre. Punto de encontro:  Ás 10:00 horas no Centro Social do Mar de Bueu, enfronte ó Museo Massó. Tipo de percorrido:   Circular. Dificultade:  Baixa. Ollo, non é como nos últimos anos de paseo. Empézase subindo seguido para logo baixar á senda do río Bispo para logo volver subir cara Hermel