Publicacións

Mostrando publicacións desta data: Xullo, 2019

Próxima saída: 17 a 18 de agosto Monte Santa Trega, A Guarda (Semi-nocturna)

Imaxe
Data: 17 a 18 de agosto (de sábado para domingo, ollo!!!) Pateada: Monte Santa Trega, A Guarda. (Semi-nocturna) Saída Nº: 190 Dez saídas despois, xa que a do 19 de xaneiro foi a nº 179, volvemos da man de Padín subir ó Trega só que desta volta para contempla-lo solpor dende o seu cumio. O percorrido será á inversa. Lugar e hora de saída: Alameda do Concello da Guarda ás 19:30 h. NON haberá xuntanza previa en Puxeiros agás extraoficialmente. Tipo de percorrido:   Circular. Dificultade:  Baixa Duración aproximada:  7 Horas RCE (Ritmo Calcorreiro Estándar) De interese:  Desembocadura do río Miño; citania de Santa Trega; vistas 360º; MASAT: Museo Arqueolóxico Santa Trega que existe dende o ano 1953 no alto do monte aínda que se creou en 1917. Alberga no seu interior o recente achádego do “cabezón” nas últimas excavacións do castro. A edificicación, planificada polo arquitecto porriñés Antonio Palacios, tiña previsto ser un hotel; Camposancos; secadoiro

Fotos da saída Catoira-Xiabre

Imaxe
Vikingos/as coñecendo a terra adoptiva da estreada guía pola beira do Ulla e polo monte máis alto de Catoira. O pé que estaba de pé. Ocupamento do refuxio de avistamento de aves (por aire e por vías). Muíño de mareas. Patos contemplativos na canteira de Pedras Miñudas. Muíños sen vento. Papel hixiénico rosa no cemiterio de Ábalo. Non sabemos se tamén o había azul. Fixo calor pero o Xiabre fodeuse que nós chegamos igual. Pelexando co xeo baixo a intensa calor. Vixía vixiada que non quixo aparecer. O mellor, Casa Emilio. Moitas grazas a  Sagrario e J.C. Campos Loureiro  polas fotos.
Aviso: Calcorreir@s non é máis que un grupo de amigos unidos pola afección aos camiños. Non é unha asociación. Non hai ningún seguro e cadaquén asume a súa propia responsabilidade sobre a súa seguridade.
Procúrase informar sobre as dificultades das rutas pero estas sempre están expostas a imponderábeis. Por iso recomendamos que aqueles que participen nas actividades que propoñemos se federe ou dispoña dalgún seguro.