Próxima saída: 17 a 18 de agosto Monte Santa Trega, A Guarda (Semi-nocturna)

Data: 17 a 18 de agosto (de sábado para domingo, ollo!!!)
Pateada: Monte Santa Trega, A Guarda. (Semi-nocturna)
Saída Nº: 190




Dez saídas despois, xa que a do 19 de xaneiro foi a nº 179, volvemos da man de Padín subir ó Trega só que desta volta para contempla-lo solpor dende o seu cumio. O percorrido será á inversa.

Lugar e hora de saída:
Alameda do Concello da Guarda ás 19:30 h.



NON haberá xuntanza previa en Puxeiros agás extraoficialmente.

Tipo de percorrido: Circular.

Dificultade:  Baixa

Duración aproximada: 7 Horas RCE (Ritmo Calcorreiro Estándar)

De interese: Desembocadura do río Miño; citania de Santa Trega; vistas 360º; MASAT: Museo Arqueolóxico Santa Trega que existe dende o ano 1953 no alto do monte aínda que se creou en 1917. Alberga no seu interior o recente achádego do “cabezón” nas últimas excavacións do castro. A edificicación, planificada polo arquitecto porriñés Antonio Palacios, tiña previsto ser un hotel; Camposancos; secadoiro de congrios; salinas do Seixo; paseo litoral camiño á vila mariñeira da Guarda; A Pasaxe; colexio de xesuitas, etc.

Comentarios e organización: 
Posibilidade de baños no Miño e Atlántico.
As cañas dependerá da hora de peche do restaurante Mar y Cielo no cumio do monte.
Levar luz xa que, aínda que haberá lúa chea, pode haber nubes (e porque é semi-nocturna, claro.

(foto de @imagtry)

Aviso: Calcorreir@s non é máis que un grupo de amigos unidos pola afección aos camiños. Non é unha asociación. Non hai ningún seguro e cadaquén asume a súa propia responsabilidade sobre a súa seguridade.
Procúrase informar sobre as dificultades das rutas pero estas sempre están expostas a imponderábeis. Por iso recomendamos que aqueles que participen nas actividades que propoñemos se federe ou dispoña dalgún seguro.