Próxima saída: 28 de setembro Bora-Coto dos Infernos-Bora

Data: 28 de setembro
Pateada: Bora-Coto dos Infernos-Bora
Saída Nº: 192



Tan só leva 8 rutas e xa se estrea. E na casa. Xoga en terreo moi coñecido así que ten todo baixo control. Cuarta estrea de guía no que vai de ano. Trátase de Manolo Riveiro.
No VI aniversario, en setembro do 2016, saímos de Pontevedra para ir até O Salgueiral. Desta volta sairemos de Bora para ir Almofrei arriba pola marxe dereita. A aldea do Salgueiral tocará preto do final. Dá para facer comparativa das diferenzas por causa do paso do tempo.

Lugar e hora de saída: Casa Gallardo. Alto de Puxeiros, Concello de Mos. Ás 9:30 horas. Xuntámonos en Puxeiros, os que queiran, para optimizar o número de coches.
Qadaquén debe tomar nota da folla de ruta para chegar ao lugar de saída. NON FACEMOS CARAVANAS.
   
Punto de encontro: Quen prefira, pode aparecer no lugar da saída que se publicará na Taberna Nova, coma sempre. Hora de saída: 10:15 aprox. Nunca antes de que chegue o persoal de Puxeiros.
Taberna “A de Bernardino”.

Tipo de percorrido: Circular

Dificultade:  Baixa a Media-Baixa

Duración aproximada: 7 Horas RCE (Ritmo Calcorreiro Estándar)

De interese: Fervenzas do Pico Sacro, central hidroeléctrica, igrexa de San Lourenzo e ponte romana de Almofrei, vistas das rías de Pontevedra e Vigo, capela de San Miguel en Contixe e ponte romana das Leiras.
Pasaremos por Vilares, Almofrei, Mirón, Contixe, O Salgueiral e As Leiras. Concellos de Pontevedra e Ponte Caldelas.

Comentarios e organización: 
Hai posibilidade de baños xa que parte da ruta transcorre pola senda do río Almofrei.
Hai cañas ao final, na propia Taberna “A de Bernardino”.

Aviso: Calcorreir@s non é máis que un grupo de amigos unidos pola afección aos camiños. Non é unha asociación. Non hai ningún seguro e cadaquén asume a súa propia responsabilidade sobre a súa seguridade.
Procúrase informar sobre as dificultades das rutas pero estas sempre están expostas a imponderábeis. Por iso recomendamos que aqueles que participen nas actividades que propoñemos se federe ou dispoña dalgún seguro.